پاکستان کرپٹو کونسل اور ورلڈ لبرٹی فنانشل کے درمیان تاریخی معاہدہ طے پاگیا

[ad_1]

پاکستان میں کرپٹو اور ڈیجیٹل فنانس کے شعبوں میں سرمایہ کاری اور ترقی کے نئے دور کا آغاز ہو رہا ہے: وزیر اطلاعات۔ فوٹو فائل

اسلام آباد: وفاقی دارالحکومت اسلام آباد میں پاکستان کرپٹو کونسل اور ورلڈ لبرٹی فنانشل کے درمیان معاہدے پر دستخط ہوگئے۔

وزارت خزانہ کی جانب سے جاری اعلامیے میں کہا گیا ہے کہ ورلڈ لبرٹی فنانشل ( امریکی صدر ڈونلڈ ٹرمپ کا حمایت یافتہ ایک غیر مرکزی مالیاتی پلیٹ فارم) نے پاکستان کرپٹو کونسل (پی سی سی) کے ساتھ ایک تاریخی مفاہمتی یادداشت پر دستخط کیے ہیں تاکہ پاکستان میں بلاک چین جدت، اسٹیبل کوائن اپنانے، اور غیر مرکزی مالیاتی نظام کے انضمام کو تیز کیا جا سکے۔

اعلامیے کے مطابق ورلڈ لبرٹی فنانشل کے وفد میں زیکری فولک مین، زیکری وٹکوف اور چیس ہیرو نے پاکستان کی اعلیٰ قیادت کے ساتھ سے ملاقاتیں کیں، ان ملاقاتوں میں وزیر اعظم، چیف آف آرمی اسٹاف، نائب وزیر اعظم، وزیر اطلاعات اور وزیر دفاع شامل تھے۔

اعلامیے میں کہا گیا کہ ان ملاقاتوں کا مقصد پاکستان میں بلاک چین جدت، اسٹیبل کوائن اپنانے، اور غیر مرکزی مالیاتی نظام کے انضمام کو فروغ دینے کے لیے تعاون کو باضابطہ بنانا ہے۔

معاہدوں پر دستخط کے تقریب کے موقع پر وفاقی وزیر اطلاعات عطا تارڑ کا کہنا تھا کہ پاکستان میں کرپٹو اور ڈیجیٹل فنانس کے شعبوں میں سرمایہ کاری اور ترقی کے نئے دور کا آغاز ہو رہا ہے۔

[ad_2]

Source link