پاکستان نے پہلے گرین سکوک بانڈز کے اجرا کا اعلان کردیا۔
وزارت خزانہ کے مطابق گرین سکوک سے ماحول دوست منصوبوں میں سرمایہ کاری راغب ہوگی اور بانڈزکا ابتدائی اجرا 20 سے 30 ارب روپے تک ہوگا، نیلامی کی جائے گی۔
وزارت خزانہ کا کہنا ہے کہ بانڈز کو پاکستان اسٹاک ایکسچینج کے ذریعے لسٹ اور فروغ دیا جائے گا جبکہ بانڈز اجرا میں مختلف نجی بینک بھی جوائنٹ فنانشل ایڈوائزرز ہیں۔
وزارت خزانہ نے بتایاکہ کابینہ کی منظورکردہ پائیدارسرمایہ کاری سکوک فریم ورک کی بنیاد پراجرا کیا گیا، گرین سکوک بانڈزکے اجرا کا اقدام پاکستان کے وژن2028 سے ہم آہنگ ہے اور سرمایہ کاروں کوماحول دوست منصوبوں میں سرمایہ کاری کا منفرد موقع ملے گا۔
وزارت خزانہ کے مطابق یہ پائیدارفنانس کوپاکستان کی ترقیاتی حکمت عملی میں ضم کرنے کا تاریخی قدم ہے، گرین سکوک وسیع ترسرمایہ کاروں کو راغب، مالیاتی منڈیوں کوگہراکرےگا اور گرین سکوک سے ملک کی سبز اور لچکدارمعیشت کی طرف منتقلی تیز ہوگی۔
Leave a Reply