وکٹ لینے کی بےصبری اس طرز کے رن آوٹ کو درست قرار نہیں دے سکتی، کیف کی مہدی حسن پر تنقید

نوجوانوں یہ یاد رکھنا چاہیے کہ چاہے ورلڈکپ کا فائنل داؤ پر لگا ہو وہ نہ کرنا جو بنگلادیش کے کپتان نے کیا، فیئر پلے کے بغیر کھیل کھیل نہیں رہتا، سابق بھارتی کرکٹر۔ فوٹو فائل

بنگلا دیش کے کپتان مہدی حسن میراز کی جانب سے اسپورٹس مین اسپرٹ کے برخلاف پاکستانی بیٹر سلمان علی آغا کو رن آؤٹ کرنے آؤٹ پر پاکستانی کرکٹرز کے ساتھ انڈین کرکٹرز بھی اس ردعمل کو غیر اخلاقی قرار دیا دے رہے ہیں۔

اسی حوالے بھارتی کرکٹ ٹیم کے سابق کرکٹر محمد کیف سے سلمان علی آغا کے حق میں سامنے آگئے۔

بھارتی کرکٹر محمد کیف نے سوشل میڈیا پر مہدی حسن میراز کو تنقید کا نشانہ بناتے ہوئے کہا کہ وکٹ حاصل کرنے کی بے صبری اس طرز کے رن آوٹ کو درست قرار نہیں دے سکتی۔

محمد کیف نے کہا کہ ایسی بے صبری کا مظاہرہ ایک کپتان کی جانب سے کیا گیا، جو ہوا ٹھیک نہیں ہوا، نوجوانوں یہ یاد رکھنا چاہیے کہ چاہے ورلڈکپ کا فائنل داؤ پر لگا ہو وہ نہ کرنا جو بنگلادیش کے کپتان نے کیا، فیئر پلے کے بغیر کھیل کھیل نہیں رہتا۔

واضح رہے کہ مہدی حسن میراز نے دوسرے ون ڈے میچ میں سلمان علی آغا کو متنازع رن آوٹ کیا جس پر سلمان علی آغا نے رن آوٹ ہونے کے بعد شدید غصے کا اظہار بھی کیا تھا۔

پاکستان کرکٹ ٹیم کے سابق کپتان محمد حفیظ اور مایہ ناز کمنٹیٹر رمیز راجا نے بھی مہدی حسن میراز کے طرز عمل کو اسپورٹس مین اسپرٹ کے منافی قرار دیا تھا۔