واٹس ایپ میں ایک بڑی تبدیلی کی جا رہی ہے۔
واٹس ایپ کے سیٹنگز پیج کو ری ڈیزائن کیا جا رہا ہے جبکہ نیا کور فوٹو لے آؤٹ بھی اس کا حصہ بنایا جا رہا ہے۔
یہ تبدیلی واٹس ایپ کے آئی او ایس ڈیوائسز کے نئے بیٹا (beta) ورژن میں دیکھنے میں آئی۔
WABetaInfo کی رپورٹ کے مطابق یہ کور فوٹو سیٹنگز اسکرین کے اوپر نظر آئے گی۔
فیس بک کور فوٹو جیسا یہ فیچر اب تک واٹس ایپ میں صارفین کو دستیاب نہیں تھا۔
رپورٹ میں مزید بتایا گیا کہ یہ فیچر ابھی بیٹا ورژن میں محدود صارفین کو دستیاب ہے اور آنے والے ہفتوں میں مزید افراد اسے استعمال کرسکیں گے۔
رپورٹ کے مطابق نئے سیٹنگز پیج میں پروفائل فوٹو کو اوپر سینٹر میں دیا جائے گا جس کے اوپر کور فوٹو موجود ہوگی۔
اس سے اکاؤنٹ سیکشن زیادہ صاف اور جدید نظر آئے گا۔
اسی طرح سیٹنگز لیبل کو یو (you) سے بدل دیا جائے گا اور یہ جاننا آسان ہوگا کہ ان کے فون میں ابھی کونسا اکاؤنٹ ایکٹیو ہے (اگر وہ ایک سے زیادہ اکاؤنٹس استعمال کر رہے ہوں گے)۔
جیسا اوپر درج کیا جاچکا ہے کہ ابھی یہ فیچر بیٹا ورژن میں دیا گیا ہے تو یہ کہنا مشکل ہے کہ یہ تمام صارفین کو کب تک دستیاب ہوگا۔
Leave a Reply