[ad_1]
کراچی کے علاقے بہادرآباد میں جناح میڈیکل اینڈ ڈینٹل کالج کی طالبات کے ساتھ ڈکیتی کی واردات کا واقعہ سامنے آیا ہے، مسلح ملزمان نے وین میں داخل ہو کر لوٹ مار کی۔
پولیس کے مطابق جناح میڈیکل اینڈ ڈینٹل کالج کی طالبات اس وقت واردات کا شکار ہوئیں جب وہ وین میں سوار تھیں۔
پولیس کے مطابق تین مسلح ملزمان وین میں داخل ہوئے اور اسلحے کے زور پر طالبات کو یرغمال بنا لیا۔
پولیس کا کہنا ہے کہ ملزمان نے طالبات سے موبائل فونز اور دیگر قیمتی اشیاء چھین لیں اور موقع سے فرار ہوگئے۔
حکام کے مطابق واردات میں تین ملزمان ملوث ہیں، جن کی تلاش کے لیے کارروائی شروع کر دی گئی ہے جبکہ واقعے کی مزید تحقیقات جاری ہیں۔
پولیس نے یقین دہانی کرائی ہے کہ ملزمان کو جلد گرفتار کر کے قانون کے کٹہرے میں لایا جائے گا۔
پولیس کے مطابق واقعے کا مقدمہ نیو ٹاؤن تھانے میں وین ڈرائیور کی مدعیت میں درج کیا گیا ہے۔
وزیر داخلہ سندھ نے واقعےکا نوٹس لیتے ہوئے ملزمان کو جلد از جلد گرفتار کرنےکی ہدایت کی ہے۔
[ad_2]
Source link
Leave a Reply