خیبرپختونخوا اسمبلی میں سینیٹ انتخاب کے بعد غیرحتمی و غیرسرکاری نتائج آنے کا سلسلہ جاری ہے۔
خیبر پختونخوا میں سینیٹ کی 11 نشستوں پرووٹ ڈالے گئے اور اسمبلی کے تمام 145 اراکین نے ووٹ کاسٹ کیا۔
پولنگ کا وقت ختم ہو گیا اور ووٹوں کی گنتی جاری ہے۔
اب تک کے غیر حتمی و غیر سرکاری نتیجہ کے مطابق خواتین کی نشست پر پیپلزپارٹی کی امیدوار روبینہ خالد کامیاب ہو گئیں جبکہ ٹیکنوکریٹ کی نشست پر پی ٹی آئی کے امیدوار اعظم سواتی اور جے یو آئی کے امیدوار دلاور خان کامیاب قرار پائے۔
غیر حتمی غیر سرکاری نتائج کے مطابق پی ٹی آئی کے امیدوار مراد سعید جنرل نشست پرجیت گئے، انہیں 26 ووٹ ملے۔ اس کے علاوہ پی ٹی آئی کے امید وار فیصل جاوید اور نورالحق قادری جنرل نشستوں پر کامیاب ہوگئے۔ غیر حتمی غیر سرکاری نتیجے کے مطابق فیصل جاوید کو 22 اور نورالحق قادری کو 21 ووٹ ملے۔
خواتین کی نشست پر پی ٹی آئی کی امیدوار روبینہ ناز کامیاب ہوئیں انہیں 89 ووٹ ملے جبکہ پی ٹی آئی کے امیدوار مرزا آفریدی بھی جنرل نشست پر جیت گئے، وہ 21 ووٹ لیکر کامیاب ہوئے۔ مسلم لیگ ن کے امیدوار نیاز احمد، پیپلزپارٹی کے طلحہ محمود اور جے یو آئی کے امیدوارعطاء الحق درویش جنرل نشست پر کامیاب قرار پائے۔
Leave a Reply