[ad_1]
پاکستان کے نامور ڈائریکٹر سید نور نے انکشاف کیا ہے کہ ماضی کی فلم ’ گھونگھٹ ‘ کے دوران وہ اداکارہ صائمہ کے عاشق ہوگئے تھے۔
ایک انٹرویو کے دوران سید نور نے ماضی کی سپر ہٹ فلم ’ گھونگھٹ ‘ کی تیاری اور اس دوران شان اور صائمہ کو کاسٹ کیےجانے سے متعلق کہانی سنائی۔
دوران انٹرویو سید نور نے انکشاف کیا کہ فلم ’ گھونگھٹ ‘ کیلئے نیلی اور نعمان اعجاز کو کاسٹ کیے جانا تھا لیکن ان دونوں اداکاروں کے جانے کے بعد اس وقت کے دو ناکام اداکار ( شان صائمہ) فلم گھونگھٹ کا حصہ بنے لیکن فلم ریلیز ہونے کے بعد شان اور صائمہ کے کم بیک کو لوگوں نے بے حد پسند کیا۔
سید نور کے مطابق شان کا کردار نعمان اعجاز کو کرنا تھا لیکن نعمان اعجاز نے کسی مسئلے کی وجہ سے معذرت کرلی تو پھر مجھے موقع مل گیا اور میں نے شان کو وہ کردار دے دیا۔
سید نور نے مزید بتایا کہ میرے اس فیصلے پر فلم کے ہدایتکار پہلے پہل تو راضی نہ ہوئے حتیٰ کہ فلم خریدنے والوں نے بھی شان کا نام سن کر منع کر دیا تھا اور پیسے واپس مانگ لیے تھے لیکن پھر میرے کہنے پر اس فلم کیلئے شان کو کاسٹ کیا گیا۔
انہوں نے کہا کہ اس فلم کی دوسری چوائس صائمہ تھی، اس کردار کیلئے بھی اداکارہ نیلی کو کاسٹ کیے جانا تھا لیکن نیلی بھی چلی گئیں جس کے بعد مجھے کہا گیا کہ نیلی کی جگہ صائمہ کو کاسٹ کرلیں۔
سید نور نے اعتراف کیا کہ فلم گھونگھٹ ‘ کے دوران میں صائمہ کا عاشق ہوگیا تھا اور اسی فلم کے بعد آگے چل کر میری اورصائمہ کی شادی ہوئی۔
واضح رہے کہ ہدایتکار سید نور نے پہلی شادی رخسانہ نور سے کی تھی جن سے ان کا ایک بیٹا بھی ہے، سید نور کی پہلی اہلیہ کا اب انتقال ہوچکا ہے۔
صائمہ سے شادی سے متعلق سید نور نے ماضی میں ایک انٹرویو میں بتایا تھا کہ صائمہ سے ان کی شادی 1998 میں ریلیز ہونے والی فلم ’چوڑیاں‘ کے بعد ہوئی تھی مگر انہوں نے اس کا اعتراف 2007 میں تقریباً 10 سالوں بعد کیا۔
[ad_2]
Source link
Leave a Reply