[ad_1]
بالی وڈ کے کنگ شاہ رخ خان نے اپنے 33 سالہ فلمی کیریئر میں بالآخر پہلا نیشنل ایوارڈ جیت لیا۔
شاہ رخ خان، جنہیں دنیا بھر میں ‘کنگ آف بالی وڈ’ کے طور پر جانا جاتا ہے نے 1992 میں فلم ‘دیوانا’ سے اپنے فلمی سفر کا آغاز کیا اور جلد ہی وہ بھارت کے سب سے مقبول اداکاروں میں شمار ہونے لگے۔
انہوں نے اپنے فلمی کیریئر میں ‘دل والے دلہنیا لے جائیں گے’، ‘چک دے! انڈیا’، ‘کچھ کچھ ہوتا ہے’ جیسی کئی مشہور فلموں میں اپنی شاندار اداکاری سے مداحوں کے دلوں پر راج کیا۔
شاہ رخ خان نے 33 سالہ فلمی کیریئر میں کئی بڑے ایوارڈز بھی جیتے بلکہ انہیں دوسرے ملکوں کی جانب سے بھی کئی بین الاقوامی اعزازات سے نوازا گیا لیکن وہ ایک بار بھی بھارت کے نیشنل ایوارڈ کو جیتنے میں کامیاب نہیں ہوئے تھے۔
تاہم شاہ رخ خان کا یہ خواب بالآخر پورا ہوگیا ہے۔
بھارتی میڈیا کے مطابق شاہ رخ خان نے اپنے فلمی کیریئر کے 33 سال بعد پہلا نیشنل فلم ایوارڈ جیت لیا ہے۔ انہیں یہ ایوارڈ 2023 میں ریلیز ہونے والی فلم ‘جوان’ میں بہترین اداکاری پر دیا گیا ہے۔
بھارتی میڈیا کے مطابق بھارت کے 71ویں نیشنل فلم ایوارڈز کے فاتحین کا اعلان یکم اگست کو کیا گیا۔
شاہ رخ خان 2023 میں ہی ریلیز ہونے والی فلم ’12th فیل’ میں جاندار اداکاری کرنے والے وکرانت میسی کے ساتھ مشترکہ طور پر بہترین اداکار کے نیشنل ایوارڈ کے فاتح قرار پائے۔
اس کے علاوہ رانی مکھرجی کو فلم ‘Mrs Chatterjee vs Norway’ میں شاندار اداکاری پر بہترین اداکارہ کا نیشنل ایوارڈ ملا۔
شاہ رخ خان نے پہلا نیشنل ایوارڈ جیتنے پر سوشل میڈیا پر پیغام بھی جاری کیا۔
شاہ رخ نے انسٹاگرام پر ایک ویڈیو پوسٹ کی جس میں انہوں نے نیشنل ایوارڈ جیتنے پر بھارتی حکومت اور اپنے مداحوں کا شکریہ ادا کیا۔
واضح رہے کہ شاہ رخ خان نے فلم ’جوان‘ میں ڈبل رول کیا تھا اور وہ فلم میں 7 مختلف روپ بدلتے نظر آئے تھے۔
[ad_2]
Source link
Leave a Reply