سینیئر بھارتی اداکارہ اور مشہور رقاصہ 87 برس کی عمر میں چل بسیں

مدھومتی ‘آنکھیں، ‘ٹاور ہاؤس’، ‘شکاری’ اور ‘مجھے جینے دو’ جیسی مشہور فلموں میں اپنی جاندار پرفارمنس کے لیے جانی جاتی تھیں۔—فوٹو: فائل

بھارتی فلم انڈسٹری کی سینئر اداکارہ اور مشہور رقاصہ مدھومتی انتقال کر گئیں۔

بھارتی میڈیا کے مطابق مدھومتی بدھ کو اس دنیا سے رخصت ہوئیں۔ ان کی عمر 87 برس تھی۔

مدھومتی ‘آنکھیں، ‘ٹاور ہاؤس’، ‘شکاری’ اور ‘مجھے جینے دو’ جیسی مشہور فلموں میں اپنی جاندار پرفارمنس کے لیے جانی جاتی تھیں۔

مدھومتی نے بھارتی سنیما میں ایک نمایاں مقام حاصل کیا اور برسوں تک اپنی دلکش اداکاری، منفرد رقص کے انداز کے باعث مداحوں کے دلوں پر راج کیا۔

اکشے کمار نے سینیئر اداکارہ کے انتقال پر انہیں خراجِ عقیدت پیش کیا اور مدھومتی کو اپنی پہلی اور ہمیشہ کی استاد قرار دیا۔

اکشے نے مدھومتی کیساتھ کئی سال پرانی تصویر اپ لوڈ کرتےہوئے لکھا کہ ‘ جو کچھ بھی میں نے ڈانس کے بارے میں سیکھا، وہ آپ کے قدموں میں بیٹھ کر سیکھا ، مدھوماتی جی’۔

سینیئر اداکارہ کے انتقال کی خبر سن کر شوبز انڈسٹری سے تعلق رکھنے والی مزید شخصیات نے بھی افسوس کا اظہار کرتے ہوئے خراج عقیدت پیش کیا۔

Source link