اسلام آباد: ملک کے مختلف حصوں میں سیلاب کی صورتحال کی وجہ سے قومی مالیاتی کمیشن ( این ایف سی) کا کل ہونے والا اجلاس ملتوی کردیا گیا۔
وفاقی وزارت خزانہ کے مطابق حالیہ سیلاب کی صورتحال کی وجہ سے این ایف سی کا اجلاس ملتوی کیا گیا ہے۔
وزارت خزانہ کا کہنا ہےکہ سندھ حکومت نے سیلاب کی موجودہ صورتحال کی وجہ سے اجلاس ملتوی کرنے کی درخواست کی تھی۔
خیال رہےکہ قابل تقسیم مالی وسائل کی مرکز اور صوبوں کے درمیان تقسیم کا فارمولہ طےکرنے کے لیے گیارہویں قومی مالیاتی کمیشن کا اجلاس کل وزارت خزانہ میں ہونا تھا۔
ذرائع وزارت خزانہ کے مطابق اب تک 10این ایف سی کمیشن تشکیل دیےگئے ہیں جن میں سے صرف 4 نتیجہ خیز رہے۔
Leave a Reply