وزیر اعلی خیبرپختونخوا سہیل خان آفریدی نے الیکشن کمیشن کی جانب سے اپنی طلبی کے خلاف پشاور ہائیکورٹ میں درخواست دائر کر دی۔
وزیراعلیٰ نے بشیر خان وزیر ایڈووکیٹ کی وساطت سے پشاور ہائیکورٹ میں الیکشن کمیشن کی جانب سے طلب کرنے کے خلاف درخواست دائر کی ہے۔
درخواست میں الیکشن کمیشن کی جانب سے طلبی کا نوٹس غیر قانونی قرار دینے کی استدعا کی گئی، یہ بھی مطالبہ کیا گیا کہ الیکشن کمیشن کو وزیر اعلیٰ کے خلاف کسی بھی قسم کی کارروائی سے روکا جائے۔
درخواست میں مؤقف اپنایا گیا کہ مختلف الزامات ، بغیر کسی وجہ اور جواز کے درخواست گزار کو الیکشن کمیشن نے طلب کیا ہے، الیکشن کمیشن کا وزیر اعلیٰ کو طلب کرنا غیر قانونی ہے۔
درخواست میں کہا گیا ہے کہ الیکشن کمیشن کا یہ اقدام آر ٹیکل 9، 10 اے ،17 اور 25 کی خلاف ورزی ہے ۔
درخواست گزار کے مطابق وزیر اعلیٰ نے نہ کسی کے لیے مہم چلائی اور نہ ہی الیکشن کمیشن کی کوئی خلاف ورزی کی ہے۔
Leave a Reply