بارشوں اور سیلاب کے باعث پنجاب میں قومی اورصوبائی اسمبلی کےضمنی الیکشن ملتوی کردیےگئے

[ad_1]

فوٹو: فائل

بارشوں اور سیلاب کے باعث پنجاب میں قومی اور صوبائی اسمبلی کے ضمنی الیکشن ملتوی کردیےگئے۔

پنجاب میں ضمنی الیکشن ملتوی کرنے کے حوالے سے الیکشن کمیشن کا آرڈر جاری ہوگیا ہے۔

الیکشن کمیشن کے مطابق این اے 66 وزیرآباد، این اے 96 فیصل آباد، این اے104فیصل آباد، این اے 129 لاہور، این اے 143ساہیوال میں ضمنی انتخابات ملتوی کیےگئے ہیں۔

پی پی 73 سرگودھا، پی پی 87 میانوالی، پی پی 98 فیصل آباد، پی پی 203 ساہیوال میں بھی ضمنی الیکشن ملتوی کردیےگئے ہیں۔

الیکشن کمیشن کے مطابق پنجاب میں سیلاب کے باعث مواصلات کا نظام درہم برہم ہے، سیلاب کے باعث پنجاب میں سرکاری اور نجی انفرااسٹرکچر تباہ ہوا ہے، سیلاب سے سرکاری اسکولوں کی عمارتیں بھی تباہ ہوئی ہیں، یہ عمارتیں پولنگ اسٹیشن کے قیام اور الیکشن ریکارڈ اسٹور کے لیے استعمال ہوتی ہیں۔

الیکشن کمیشن کا کہنا ہےکہ سول انتظامیہ، قانون نافذ کرنے والے ادارے، ریسکیو اور ریلیف آپریشن میں مصروف ہیں، انتظامیہ کے لیے الیکشن ڈیوٹی انجام دینا مشکل ہے، ڈسٹرکٹ ریٹرننگ افسران نے آگاہ کیا ہے کہ پولنگ اسٹاف ریلیف آپریشنز میں مصروف ہے، ڈسٹرکٹ ریٹرننگ افسران نے نئے پولنگ افسران کی تقرری کی درخواست کی ہے۔

الیکشن کمیشن کے مطابق پنجاب حکومت نے بھی ضمنی الیکشن ملتوی کرانےکی درخواست کی ہے۔

الیکشن کمیشن کے مطابق ضمنی الیکشن کے لیے تقرر کردہ پولنگ اسٹاف کا تعلق مختلف سرکاری محکموں سے ہے، سیلاب ریلیف آپریشن میں مصروفیات کے باعث پولنگ افسران دستیاب نہیں ہیں، سیلاب سے متاثرہ حلقوں کے لوگ اپنا حق رائےدہی استعمال نہیں کرسکیں گے، انفرااسٹرکچر کو نقصان اور بےگھر ووٹرز کی وجہ سے الیکشن کا انعقاد ممکن نہیں ہے۔ حالات معمول پر آنےکے بعد الیکشن عمل کا دوبارہ آغاز کردیا جائےگا۔

[ad_2]

Source link