نجی کمپنی زیڈ 2 سی نے واضح کیا ہے کہ وفاقی تحقیقاتی ادارے (ایف آئی اے) کی حالیہ کارروائی سے کمپنی کا کوئی تعلق نہیں ہے اور نہ ہی ایف آئی اے کمپنی کے خلاف کسی قسم کی تفتیش کر رہا ہے۔
نجی کمپنی کا کہنا ہے کہ ایف آئی اے کی حالیہ کارروائی سے کمپنی کا کوئی تعلق نہیں، حالیہ رپورٹس میں جس فرد کا نام سامنے آیا ہے، اُس نے تمام اقدامات ذاتی حیثیت میں کیے اور متعلقہ شخص کے ذاتی معاملات میں کمپنی کے سسٹمز، اکاؤنٹس یا فنڈز کا کوئی استعمال نہیں ہوا۔
کمپنی نے بتایاکہ ان سرگرمیوں کا کمپنی کے کاروباری امور سے کوئی تعلق نہیں ہے اور معاملہ سامنے آنے کے بعد متعلقہ شخص کو فوری طور پر معطل کر دیا گیا ہے اور مزید اندرونی جائزہ لیا جا رہا ہے۔
کمپنی نے اس بات کا اعادہ کیا کہ وہ ایک ضابطہ کار کے مطابق کام کرنے والا ادارہ ہے اور ضرورت پڑنے پر ایف آئی اے حکام سے مکمل تعاون کرے گی، زیڈ 2 سی کمپنی ایف آئی اے کی کسی قسم کی زیر تفتیش نہیں ہے۔
دوسری جانب ایف آئی اے حکام کے مطابق کمرشل بینکنگ سرکل نے کارروائی کرکے نجی کمپنی کے ملازم کو گرفتار کیا ہے، ملزم فیصل پر حوالہ ہنڈی کے ذریعے کروڑوں روپے بیرون ملک منتقل کرنے کا الزام ہے۔
حکام کا کہنا ہے کہ ملزم کی گرفتاری پہلے سے گرفتار نجی بینک کے منیجر سے تفتیش کے بعد عمل میں آئی ہے۔
Leave a Reply