[ad_1]
انسٹا گرام کی جانب سے صارفین کے لیے ایک نئے اور کارآمد فیچر کی آزمائش کی جا رہی ہے۔
ایک رپورٹ کے مطابق انسٹا گرام کی جانب سے محدود صارفین میں پوسٹس کیپشنز میں کلک ایبل لنکس کی آزمائش کی جا رہی ہے۔
انسٹا گرام میٹا کی ایسی ایپ ہے جس میں ابھی کسی پوسٹ پر کسی باہری ویب سائٹ کے کلک ایبل لنک کو پوسٹ کرنا ممکن نہیں۔
رپورٹ میں بتایا گیا کہ اس فیچر کا مطالبہ صارفین کی جانب سے کافی عرصے سے کیا جا رہا تھا تاکہ وہ اپنی ویب سائٹس کی ٹریفک کو انسٹا گرام سے بڑھا سکیں۔
رپورٹ کے مطابق اس آزمائش کے دوران ابھی ایک صارف ایک ماہ کے دوران 10 لنکس کو اپنی پوسٹس میں ایڈ کرسکتا ہے۔
میٹا کی جانب سے بھی تصدیق کی گئی ہے کہ کمپنی کی جانب سے کیپشن لنکس کی آزمائش کی جا رہی ہے۔
میٹا کے ترجمان نے بتایا کہ یہ آزمائش میٹا ویریفائیڈ کے سبسکرائبرز میں کی جا رہی ہے۔
البتہ یہ بتانے سے گریز کیا کہ اس فیچر کو کب تک متعارف کرایا جائے گا اور کیا یہ تمام صارفین کو دستیاب ہوگا یا صرف ویریفائیڈ صارفین کو ہی دستیاب ہوگا۔
واضح رہے کہ جب سے انسٹا گرام کو متعارف کرایا گیا ہے اس فوٹو شیئرنگ ایپ میں کلک ایبل لنکس کو کیپشن میں ایڈ کرنے کی اجازت نہیں دی گئی۔
[ad_2]
Source link
Leave a Reply