امریکا میں ملعونہ خاتون سیاستدان کی قرآن پاک کی بےحرمتی، ویڈیو بھی شیئرکردی

[ad_1]

فوٹو: اسکرین شاٹ

امریکی ریاست ٹیکساس میں قرآن پاک کو نذر آتش کرنےکا افسوس ناک واقعہ پیش آیا ہے۔

غیر ملکی میڈیا کے مطابق قرآن پاک کی بے حرمتی امریکی صدر ڈونلڈ ٹرمپ کی جماعت ریپبلکن پارٹی کی امیدوار ویلینٹینا گومز کی جانب سےکی گئی ہے۔

ملعونہ خاتون نے قرآن پاک کو نذر آتش کرنے کی ویڈیو بھی اپنے ایکس اکاؤنٹ پر جاری کی جس پر صارفین سمیت مختلف سیاسی و مذہبی حلقوں کی جانب سے شدید مذمت کی گئی ہے۔

ویلینٹینا گومز نے اشتعال انگیز ویڈیو پوسٹ کرتے ہوئے کیپشن میں لکھا کہ میں ٹیکساس سے اسلام کا خاتمہ کروں گی۔ ملعونہ خاتون نے اس موقع پر مسلمانوں پر مزید الزامات لگاتے ہوئے اپنے حلقےکے لوگوں سے اپیل کی کہ انہیں ووٹ دےکر کانگریس تک پہچنے میں کامیاب کرائیں۔

خیال رہےکہ ویلینٹینا گومز امریکی ریاست ٹیکساس کی کانگریشنل ڈسٹرکٹ کے لیے 2026 کے انتخابات میں ری پبلکن پارٹی کی امیدوار ہے۔

امریکی مسلمانوں کی تنظیم کونسل آن امریکن اسلامک ریلیشنز واقعے کی مذمت کرتے ہوئے اسے معاشرے کے لیے خطرناک قرار دیا ہے اور مذہبی آزادی کے تحفظ پر زور دیا ہے۔

کونسل آن امریکن اسلامک ریلیشنز اور دیگر سول سوسائٹی تنظیموں نے مطالبہ کیا ہےکہ ویلینٹینا گومز کو اس نفرت انگیز اور اشتعال انگیز اقدام پر جوابدہ ٹھہرایا جانا چاہیے۔

[ad_2]

Source link