اداکارہ مومنہ اقبال نے اپنی صنفی شناخت سے متعلق پھیلی افواہوں پر خاموشی توڑ دی

[ad_1]

پاکستانی اداکارہ مومنہ اقبال نے اپنی صنفی شناخت سے متعلق جعلی ویڈیو پر شدید ردعمل دیتے ہوئے کہا کہ کسی لڑکی سے اس کے لڑکی ہونے کا ثبوت مانگنا ایک انتہائی دردناک لمحہ ہوتا ہے۔

حال ہی میں اداکارہ نے ایک انٹرویو دیا جس میں ان سے اس حوالے سے بھی سوالات کیے گئے۔

مومنہ نے سوشل میڈیا پر وائرل ہونے والی اپنی جعلی ویڈیو پر کہا کہ وہ ویڈیو اگست 2022 میں دیے گئے انٹرویو کے ایک کلپ کو ایڈٹ کرکے جعلی انداز میں وائرل کی گئی تھی جسے 45 ملین سے زائد مرتبہ دیکھا گیا۔

ان کا کہنا تھا کہ اس وقت ان کے پاس رپورٹرز کے فون آ رہے تھے اور وہ حیران تھیں کہ سب کو کیا جواب دیں کیونکہ کوئی کسی لڑکی سے اس قسم کا سوال کیسے کرسکتا ہے۔

اداکارہ نے مزید کہا کہ اردگرد کے لوگ انہیں مشورہ دے رہے تھے کہ وہ اس معاملے پر وضاحت دیں لیکن انہوں نے سوچا کہ کیا اپنے ڈاکٹر کا نمبر دے دوں؟ یہ سب صورتحال بہت عجیب تھی۔

آخر میں مومنہ نے کہا کہ اگر وہ واقعی ویسی ہوتیں تو قبول کر لیتیں لیکن جب وہ ہیں ہی نہیں تو اس جھوٹ پر کیا ردعمل دیں؟

واضح رہے کہ مومنہ اقبال سے متعلق ایک ویڈیو سوشل میڈیا پر وائرل ہوئی تھی، اس ویڈیو میں انہیں اپنی جنس سے متعلق بات کرتے ہوئے دکھایا گیا۔

[ad_2]

Source link