اسلام آباد: وزیراطلاعات عطا تارڑ نے آپریشن غضب للحق میں فتنہ خوارج اور افغان طالبان کے نقصانات کی تفصیلات جاری کر دیں۔
وزیراطلاعات عطا تارڑ نے سوشل میڈیا پر بیان جاری کرتے ہوئے بتایا کہ آپریشن غضب للحق میں اب تک 663 فتنہ خوارج/افغان طالبان کو ہلاک کیا جاچکا ہے جبکہ اب تک 887 سے زائد زخمی ہوئے ہیں۔
عطا تارڑ نے بتایا کہ آپریشن غضب للحق میں اب تک 249 چیک پوسٹیں تباہ، 44 چیک پوسٹیں قبضے میں لے کرتباہ کردی گئیں۔
وزیراطلاعات عطا تارڑ کے مطابق آپریشن غضب للحق میں اب تک 224 ٹینک، بکتربند گاڑیاں اور توپ خانے تباہ کیے جاچکے ہیں۔
عطا تارڑ نے کہا کہ افغانستان میں دہشتگردوں اور ان کے معاون ڈھانچے کے 70 مقامات کو فضائی کاروائیوں میں نشانہ بنایا گیا، 12 اور13 مارچ کی درمیانی شب پاکستان نے افغانستان میں دہشتگردوں کی تنصیبات کو نشانہ بنایا۔
وزیراطلاعات عطا تارڑ نے بتایا کہ کابل، پکتیا اور قندھار میں دہشتگردوں اور ان کی لاجسٹک بیسز، تربیتی کیمپوں کو نشانہ بنایا گیا۔
عطا تارڑ نے کہاکہ آپریشن غضب للحق میں کسی بھی شہری آبادی یا سول انفراسٹرکچرکو نشانہ نہیں بنایا گیا، افغان عبوری حکومت کے بعض عہدیداروں اورمیڈیا کی جانب سے غلط پروپیگنڈا کیا جارہا ہے۔
Leave a Reply