اسلام آباد: وزیراعظم کے معاون خصوصی برائے صنعت و پیداوار ہمایوں اختر نے کہا ہےکہ اگر ہمیں ریونیو بڑھانا ہے تو صنعتوں کو فعال کرنا پڑے گا۔
جیو نیوز کے پروگرام جیو پاکستان میں گفتگو کرتے ہوئے ہمایوں اختر نے کہا کہ پاکستان کے لیے سب سے بڑا سورس آف ریونیو انڈسٹری ہے، اگر ہمیں ریونیو بڑھانا ہے تو صنعتوں کو فعال کرنا پڑے گا، جو انڈسٹریز خسارے میں ہیں ان کو پرائیویٹائز کیا جائے۔
انہوں نے کہا کہ بجلی کے ریٹ بہت زیادہ بڑھ چکے ہیں، انڈسٹریز کو چلانےکے لیے قرضے چاہیے ہوتے ہیں،اسٹیٹ بینک کی رپورٹ کےمطابق اس میں کمی آئی ہے جب کہ ملک میں کاسٹ آف ڈیوئنگ بزنس بڑھ گئی ہے۔
ہمایوں اختر کا کہنا تھا کہ ملک میں صنعت کا شعبہ سکڑ رہا ہے، ملک کی ایکسپورٹ بڑھانے اور امپورٹس کم کرنے پر توجہ دینے کی ضرورت ہے جب کہ پاکستانی بینکاری نظام کا بڑا حصہ حکومت چلانے پر جارہا ہے۔
معاون خصوصی نے مزید کہا کہ ملک میں معاشی استحکام آچکا ہے مگر بجلی کے ٹیرف انتہائی پیچیدہ معاملہ ہے، سولرکا استعمال بڑھنے سے نیشنل گرڈ سے بجلی کی کھپت کم ہوجاتی ہے۔
ان کا کہنا تھا کہ ٹیرف وار کافی حد تک ختم ہوچکی ہے، میرے خیال میں امریکا پاکستان کے ساتھ فری ٹریڈ پالیسی کے لیے تیار ہے۔
Leave a Reply