ممبئی میں ہونے والی بدترین بارشوں سے بالی وڈ اسٹارز کے پوش علاقوں میں واقع گھر بھی ڈوب گئے۔
بھارتی میڈیا رپورٹس کے مطابق مون سون کی بارشوں نے ممبئی میں تباہی مچاہی ہوئی ہے جس سے معمولاتِ زندگی بری طرح متاثر ہوئے ہیں جب کہ شہر کی سڑکیں تالاب کا منظر پیش کر رہی ہیں۔
رپورٹس کے مطابق بالی وڈ شہنشاہ امیتابھ بچن بھی ممبئی کی بارشوں سے محفوظ نہ رہ سکے اور ان کا 200 کروڑ کا پُرتعیش بنگلا بارش میں ڈوب گیا۔
مختلف سوشل میڈیا پلیٹ فارمز پر ایک ویڈیو وائرل ہو رہی ہے جس میں مبینہ طور پر بتایا جا رہا ہے کہ ممبئی کی شدید بارش کے بعد امیتابھ بچن کے بنگلے میں پانی آگیا۔
سوشل میڈیا پر وائرل ایک ویڈیو میں ایک شہری کا کہنا ہے کہ ممبئی مسلسل بارشوں اور اس کے نتیجے میں آنے والے سیلاب کا سامنا کر رہا ہے۔
44 سیکنڈز کے وائرل ویڈیو کلپ میں دیکھا جاسکتا ہے کہ مذکورہ شخص ممبئی کے علاقے جوہو کی سڑکوں کا حال دکھا رہا ہے جہاں ٹخنوں تک پانی جما ہے۔
اسی دوران یہ شخص جوہو میں واقع میگا اسٹار کے بنگلوں میں سے ایک بنگلے ’پرتیکشا‘ کا مین گیٹ کھول کر داخل ہوتا ہے جہاں بارش کا پانی سے بھرا ہوا ہے۔
اس نے کہا کہ چاہے آپ کے پاس کتنا پیسہ ہو، چاہے آپ کی قیمت ہزاروں کروڑ کیوں نہ ہو، نہ امیتابھ نہ امبانی، ممبئی کی بارش سے کوئی نہیں بچ سکتا۔
کاجول، رانی اور دھرمیندر کا گھر بھی بارش کے پانی کی لپیٹ میں:
ہندوستان ٹائمز کی رپورٹ کے مطابق امیتابھ بچن کے علاوہ رانی مکھرجی کا سسرال، کاجول اور اجے دیوگن کا گھر اور دھرمیندر کا گھر میں بارش کے پانی سے متاثر رہا۔
واضح رہے کہ گزشتہ روز بھارتی شہر ممبئی میں 24 گھنٹے کے دوران 300 ملی میٹر بارش ریکارڈ کی گئی۔
Leave a Reply