اگر آپ بھی بالی وڈ گانوں کے شوقین ہیں تو یقیناً ارجیت سنگھ کے فین تو ضرور ہوں گے کیوں کہ ارجیت اپنی مسحور کن آواز اور جذبات کو چھوتے گانوں کی وجہ سے دنیا بھر میں موسیقی کے دیوانوں کے دلوں میں خاص مقام رکھتے ہیں ۔
لیکن کیا آپ جانتے ہیں کہ ارجیت سنگھ ایک پرفارمنس کا معاوضہ کتنے کروڑ وصول کرتے ہیں؟
بھارتی میڈیا سے گفتگو کے دوران ماضی کے مشہور بھارتی میوزک کمپوزر پیارے لال شرما کے بھتیجے مونٹی شرما نے ارجیت کے معاوضے کے حوالے سے حیران کن انکشاف کیا۔
مونٹی شرما نے کہا کہ’ ارجیت سنگھ میرے پاس 6، 6 گھنٹے آکر بیٹھا کرتے تھےلیکن اب وہ ایک پرفارمنس کیلئے 2 کروڑ کا معاوضہ وصول کرتے ہیں، جو لوگ ارجیت کی پرفارمنس دیکھنا چاہتے ہیں وہ اسے 2 کروڑ اداکرتے ہیں‘ ۔
بھارتی کمپوزر کا کہنا تھا کہ پہلے لوگ ریڈیو یا ٹیلی ویژن پر گانے سنتے تھے، اب لوگوں نے یوٹیوب پر سننا شروع کردیا ہے۔
انہوں نے مزید کہا کہ او ٹی ٹی اوریوٹیوب کے آنے کے بعد پیسہ بڑھا گیا ہے، اگر میں ایک گانا 15، 20 لاکھ میں گا تا ہوں تو اس کے 90 فیصد حقوق آڈیو کمپنی حاصل کرلیتی ہے۔
Leave a Reply