بلوچستان کے ضلع آواران میں سکیورٹی فورسز کی کارروائی میں 3 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے آواران میں خفیہ اطلاعات پر آپریشن کیا اور دہشت گردوں کے ٹھکانے کو مؤثر انداز میں نشانہ بنایا۔
آئی ایس پی آر نے بتایاکہ سکیورٹی فورسز کے آپریشن میں بھارتی سرپرستی میں کام کرنے والے 3 دہشت گرد مارے گئے اور اطلاعات کے مطابق دہشت گرد بھارتی ایجنسی کی پراکسی تنظیم “فتنہ الہندستان” سے تعلق رکھتے تھے۔
آئی ایس پی آرکا کہنا تھاکہ دہشت گردوں کے ساتھ شدید فائرنگ کے تبادلے میں میجر سید رب نواز طارق شہید ہوگئے، 34 سالہ شہید میجر سید رب نواز طارق مظفرآباد کے رہائشی تھے اور وہ فرنٹ لائن پر جوانوں کی قیادت کر رہے تھے۔
آئی ایس پی آر کے مطابق سکیورٹی فورسز ملک سے بھارتی سرپرستی میں دہشت گردی کے مکمل خاتمے کے لیے پُرعزم ہیں اور بہادر سپوتوں کی قربانیاں ہمارے عزم کو مزید مضبوط کرتی ہیں۔
Leave a Reply