[ad_1]
گوگل نے اپنی آرٹی فیشل انٹیلی جنس (اے آئی) پر مبنی آڈیو سرچ ٹول سرچ لائیو دنیا بھر میں 200 سے زائد ممالک میں متعارف کرا دیا ہے۔
اسے ستمبر 2025 میں سب سے پہلے امریکا میں متعارف کرایا گیا تھا اور اب یہ دنیا بھر میں 98 زبانوں میں دستیاب ہے۔
سرچ لائیو میں آپ اپنے فون یا ٹیبلیٹ کے کیمرے کو کسی بھی چیز کی جانب کرکے اے آئی ٹول سے اس کے بارے میں پوچھ سکتے ہیں۔
اس کے بعد اے آئی کی جانب سے آڈیو کی شکل میں جواب فراہم کیا جاتا ہے جبکہ اس حوالے سے مزید سوالات یا وضاحت کے لیے بھی تیار رہتا ہے۔
یہ جیمنائی لائیو جیسا فیچر ہے جو اینڈرائیڈ اور آئی او ایس ڈیوائز میں گوگل ایپ کے اندر موجود ہے۔
آپ گوگل ایپ میں جاکر سرچ بار کے نیچے موجود لائیو بٹن پر کلک کرکے اسے استعمال کرسکتے ہیں۔
یہ فیچر گوگل لینس اور جیمنائی ایپ تک رسائی بھی حاصل کرسکتا ہے۔
کمپنی نے ایک بلاگ پوسٹ میں بتایا کہ اس کے لیے گوگل ایپ اوپن کریں اور وہاں نئے لائیو آئیکون پر کلک کریں اور پھر جو سوال ذہن میں ہو وہ زبان سے دہرائیں۔
ایسا کرنے پر گوگل کی جانب سے اے آئی جنریٹڈ آڈیو میں جواب دیا جائے گا، جبکہ آپ ایک کے بعد ایک سوال پوچھ سکیں گے۔
یہ فیچر ایسے افراد کے لیے بہترین ثابت ہوگا کہ گاڑی میں سفر کر رہے ہوں یا ملٹی ٹاسکنگ میں مصروف ہوں۔
یہ چیٹ کسی اور ایپ کے اوپن کرنے پر بھی جاری رہے گی اور آپ گوگل کے جوابات کو تحریری شکل میں بھی دیکھ سکیں گے، جس کے لیے ٹرانسکرپٹ آپشن دستیاب ہوگا۔
اے آئی موڈ ہسٹری میں آپ مخصوص جوابات کو دوبارہ دیکھ سکیں گے اور ان پر گوگل سے مزید چیٹ کرسکیں گے۔
گوگل نے بتایا کہ دنیا بھر میں اس فیچر کی دستیابی نئے آڈیو اینڈ وائس ماڈل جیمنائی 3.1 فلیش لائیو سے ممکن ہوئی جو کہ متعدد زبانوں پر مشتمل ہے۔
[ad_2]
Source link
Leave a Reply