دنیا کے خوش ترین ممالک کی فہرست میں پاکستان کونسے نمبر پر رہا؟

[ad_1]

یورپی ملک فن لینڈ مسلسل 9 ویں سال دنیا کا سب سے خوش ترین ملک قرار پایا ہے۔

خوشی کا عالمی دن 20 مارچ کو منایا جاتا ہے اور اس موقع پر اقوام متحدہ کے تعاون سے دنیا کے خوش ترین ممالک کی فہرست جاری کی گئی ہے۔

اس فہرست میں پاکستان سمیت147 ممالک میں کو شامل کیا گیا ہے اور ممالک کی درجہ بندی کے لیے گیلپ ورلڈ پول کے ڈیٹا کو استعمال کیا گیا جس کے مطابق فن لینڈ مسلسل 9 ویں بار دنیا کا سب سے خوش ترین ملک قرار پایا ہے۔

اس فہرست میں ممالک کی درجہ بندی کے لیے 2023 سے 2025 کے درمیان کے ڈیٹا کو استعمال کیا گیا تاکہ عالمی سطح پر خوشی کے احساس کا مستحکم اندازہ لگایا جاسکے۔

ممالک کی درجہ بندی کے لیے فی کس آمدنی، متوقع زندگی، سماجی مدد، آزادی، سخاوت اور کرپشن جیسے عوامل کو مدنظر رکھا گیا۔

اس فہرست میں پاکستان 5 درجے بہتری کے ساتھ 104 ویں نمبر پر موجود ہے، گزشتہ سال پاکستان کا نمبر 109 تھا۔

خوش رہنے کے احساس میں بھارت پاکستان سے پیچھے ہے جس کے حصے میں 116 واں نمبر آیا۔

دنیا کے 10 خوش ترین ممالک

فن لینڈ مسلسل 9 ویں سال خوش ترین ملک قرار پایا مگر اس بار آئس لینڈ ڈنمارک کو پیچھے چھوڑ کر دوسرے نمبر پر چلا گیا جبکہ ڈنمارک کے حصے میں تیسرا نمبر آیا۔

چوتھا نمبر کوسٹا ریکا کے نام رہا جس کے بعد سویڈن 5 ویں، ناروے چھٹے اور نیدرلینڈز 7 ویں نمبر پر رہا۔

اسرائیل، لکسمبرگ اور سوئٹزر لینڈ بالترتیب 8 ویں، 9 ویں اور 10 ویں نمبر پر رہے۔

دنیا میں سب سے زیادہ خوش مسلم ملک کا اعزاز کوسوو کے حصے میں آیا جو مجموعی طور پر 16 ویں نمبر پر رہا جبکہ متحدہ عرب امارات 21 اور سعودی عرب 22 ویں نمبر پر رہے۔

حیران کن طور پر سپر پاور امریکا کے حصے میں 23 واں نمبر آیا۔

سب سے کم خوش رہنے والے ممالک

دنیا میں سب سے ناخوش ملک افغانستان رہا جو 147 ویں نمبر پر موجود ہے جس کے بعد سیرالیون 146، ملاوی 145، زمبابوے 144 اور بوٹسوانا 143 ویں کے ساتھ ٹاپ 5 ناخوش ممالک میں شامل ہیں۔

یمن 142 ویں کے ساتھ چھٹے، لبنان 141 ویں کے ساتھ 7 ویں، ڈی آر کانگو 140 ویں کے ساتھ 8 ویں، مصر 139 ویں کے ساتھ 9 ویں اور تنزانیہ 138 ویں کے ساتھ 10 ناخوش ملک قرار پایا۔

[ad_2]

Source link