سام آلٹمین آرٹی فیشل انٹیلی جنس (اے آئی) چیٹ بوٹ چیٹ جی پی ٹی تیار کرنے والی کمپنی کے چیف ایگزیکٹو ہیں۔
اوپن اے آئی کی جانب سے گزشتہ دنوں ایپل کمپیوٹرز کے لیے ایک ایپ کوڈیکس متعارف کرائی گئی تھی۔
اس حوالے سے سام آلٹمین نے اپنا ردعمل جاری کیا ہے کہ اے آئی پر کام کرتے ہوئے انہیں کیسا محسوس ہوتا ہے۔
انہوں نے کہا کہ اگرچہ کوڈیکس کی تیاری کا عمل مزیدار اور پرجوش کر دینے والا تھا مگر اس کی بدولت انہیں غیر متوقع جذباتی ردعمل کا سامنا ہوا۔
انہوں نے بتایا کہ جب کوڈیکس نے ان کے اپنے خیالات سے بہتر فیچر تجویز کیے تو انہیں محسوس ہوا کہ وہ خود کو کچھ حد بے مصرف سمجھنے لگے اور اداس ہوگئے۔
انہوں نے کہا کہ یہ اس ذاتی اثر کی عکاسی کرتا ہے کہ اے آئی کیسے انسانی تخلیق کو پیچھے چھوڑ دینے والی ٹیکنالوجی بن رہی ہے۔
یہ ایپ ابھی ایپل کے میک کمپیوٹرز میں تمام چیٹ جی پی ٹی صارفین کو محدود وقت کے لیے دستیاب ہے۔
اس ایپ کا مقصد وائب کوڈنگ کا عمل آسان بنانا ہے اور ڈویلپرز کو ایک ہب فراہم کرنا ہے جہاں وہ متعدد اے آئی ایجنٹس پر بیک وقت کام کرسکیں۔
اس پر سام آلٹمین کی ایکس (ٹوئٹر) پوسٹس پر لوگوں نے ردعمل ظاہر کرتے ہوئے کہا اس سے سام آلٹمین کی جذباتی دیانت ظاہر ہوتی ہے جن کی کمپنی نے اس ایپ کو لانچ کیا۔
Leave a Reply