کینیا میں ایک خاتون نے درخت کو گلے لگانے کا عالمی ریکارڈ اپنے نام کرلیا ہے۔
ماحولیاتی بہتری کے لیے کام کرنے والی 22 سالہ Truphena Muthoni نے ایک درخت کے گرد اپنے بازو 72 گھنٹے تک پھیلائے رکھے۔
اس طرح ان کا نام گنیز ورلڈ ریکارڈ میں درج ہوگیا ہے۔
اس سے قبل یہ ریکارڈ گھانا کے فریڈرک بوکے کے نام تھا جو 50 گھنٹے 2 منٹ 28 سیکنڈ تک درخت کو گلے لگائے رکھنے میں کامیاب رہے تھے۔
فروری 2025 میں Truphena Muthoni نے ایک درخت کو 48 گھنٹے تک گلے لگائے رکھا تھا۔
انہوں نے گنیز ورلڈ ریکارڈ کو بتایا کہ پہلی کوشش بنیادی طور پر آزمائش تھی۔
انہوں نے مزید بتایا کہ دوسری بار کی کوشش عزم تھا اور ہمیں احساس ہوا کہ دنیا کو اس کی زیادہ ضرورت ہے اور یہ دکھانا ضروری ہے کہ سیارے کا خیال رکھنا چاہیے۔
Leave a Reply