پشاور:کوہستان کے 40 ارب روپے کے میگا کرپشن اسکینڈل میں ملوث ارب پتی ڈمپر ڈرائیور ممتاز نے قومی خزانے میں 4 ارب روپےسے زائد رقم جمع کروانے پر رضامندی ظاہر کر دی ہے، جس پر پشاور کی احتساب عدالت نے اس کی پلی بارگین کی درخواست منظور کر لی۔
گزشتہ روز ملزم اور اور پلی بارکیننگ سے متعلق درخواست کی سماعت احتساب عدالتوں کے انتظامی جج ظفرخان نے کی جس دوران ڈپٹی پراسیکیورٹر جنرل نیب خیبر پختونخوا محمد علی عدالت میں پیش ہوئے اور بتایا کہ ملزم ممتازکوہستان میگا کرپشن سکینڈل میں ملوث ہے۔
انہوں نے عدالت کوبتایا کہ اس ضمن میں نیب نے ملزم سے باقاعدہ تحقیقات کی اور اس کے اکاؤنٹ میں 4 ارب روپے کی ٹرانزکشن سے متعلق ثبوت حاصل کرلیے تاہم اسی دوران ملزم نے نیب حکام کو ایک درخواست دی کہ وہ پلی بارگین کرنا چاہتا ہے لہذا اس کی پلی بارگین کی درخواست منظور کی جائے۔
کوہستان میگا کرپشن اسکینڈل میں بعض دیگر ملزمان نے بھی پلی بارگین کی درخواستیں جمع کرا رکھی ہیں۔ نیب حکام کے مطابق یہ رقم مجموعی اسکینڈل کا ایک حصہ ہے جبکہ مزید رقوم کی ریکوری کا عمل جاری ہے۔
نیب نے اسکینڈل میں ملوث 36 سے زائد ملزمان کو گرفتار کرکھا ہے جبکہ 30 ارب کے اثاثے سیل اور اکاؤنٹس منجمد ہیں۔
Leave a Reply