امریکی صدر ڈونلڈ ٹرمپ نے دعویٰ کیا کہ ایران امریکا کے ساتھ معاہدہ کرنا چاہتا ہے۔
صدر ٹرمپ نے امریکی ویب سائٹ کو دیے گئے ایک انٹرویو میں کہا کہ ایران کے ساتھ صورتحال اس وقت غیر یقینی ہے کیونکہ انہوں نے مشرقِ وسطیٰ میں بڑی فورس تعینات کر دی ہے۔
ٹرمپ نے کہا کہ ان کا بحری بیڑہ ایرن کے قریب موجود ہے جو وینزویلا میں استعمال ہونے والی فوجی قوت سے بھی بڑا ہے۔
ڈونلڈ ٹرمپ نے قومی سلامتی ٹیم کی جانب سے پیش کیے گئے ممکنہ آپشنز پر بات کرنے سے گریز کیا۔
صدر ٹرمپ نے کہا کہ سفارتکاری اب بھی ایک آپشن ہے۔ ایران کئی بار رابطہ کر چکا ہے اور مشرقی وسطیٰ میں فوجی تعیناتی کے بعد ایران معاہدہ کرنا چاہتا ہے۔
ایک سینئر امریکی عہدیدار نے صحافیوں کو بریفنگ دیتے ہوئےکہاکہ ایران کے ساتھ مذاکرات کے حوالے سے وائٹ ہاؤس اب بھی تیار ہے۔ عہدیدار کے مطابق اگر ایران رابطہ کرتا ہے اور طے شدہ شرائط کو تسلیم کرتا ہے تو امریکا بات چیت کے لیے تیار ہوگا۔
امریکی عہدیدار نے مزید کہا کہ گزشتہ ایک سال کے دوران امریکا اپنی شرائط کئی بار ایران کو پہنچا چکا ہے۔
یاد رہے کہ ائیرکرافٹ کیریئر ابر اہم لنکن سمیت دیگر جنگی جہازوں پر مشتمل امریکی بحری بیڑہ مشرق وسطیٰ پہنچ گیا ہے۔
امریکی فوج کے مطابق اس بحری بیڑے کے پہنچنے سے خطے میں امریکا کی عسکری قوت میں نمایاں اضافہ ہو گیا ہے۔
Leave a Reply