ابوظبی : متحدہ عرب امارات نے آرٹیفیشل انٹیلیجنس( اے آئی) کی مدد سے مصنوعی بارش سے پانی کی قلت دور کرنے کا منصوبہ شروع کرنے کا اعلان کیا ہے۔
متحدہ عرب امارات میں مصنوعی بارشوں سے پانی کی قلت دور کی جائے گی ۔مصنوعی بارشوں سے پہلے ماحول دوست تحقیق کی جائے گی۔
کلاؤڈ سیڈنگ (مصنوعی بارش) منصوبوں کے لیے 15 لاکھ ڈالر کے تحقیقی گرانٹس جاری کردیے گئے۔
حکام کے مطابق امریکا، جرمنی ، آسٹریلیا کے سائنسدان تحقیق کریں گے۔ اماراتی نیشنل سینٹر آف میٹرولوجی کے تحت 3 سائنسدانوں کا انتخاب کیا گیا ہے۔
سائنسدانوں کا انتخاب 48 ممالک سے موصول ہونے والی 140 تجاویز میں سے کیا گیا۔ ہر منتخب سائنسدان کو زیادہ سے زیادہ 15 لاکھ ڈالر کی گرانٹ دی جائے گی۔
تحقیقی گرانٹ 3 سال میں تقسیم ہوگی۔ ایک سائنسدان کو ایک سال میں زیادہ سے زیادہ 5 لاکھ 50 ہزار ڈالر دیے جائیں گے۔
آئندہ 3 سال تک بارش بڑھانے کی جدید ٹیکنالوجی پر تحقیق ہوگی۔ مصنوعی بارش میں آرٹیفیشل انٹیلیجنس کا استعمال کیا جا رہا ہے۔
اماراتی حکام کے مطابق آرٹیفیشل انٹیلیجنس درست بادلوں کا انتخاب کرے گا اور بہتر نتائج حاصل ہوسکیں گے۔
واضح رہے کہ متحدہ عرب امارات میں سالانہ بارش بہت کم ہوتی ہے اور زیادہ تر سمندری نمکین پانی کو صاف کر کے حاصل کیا جاتا ہے۔
متحدہ عرب امارات پہلے ہی ہر سال سیکڑوں کلاؤڈ سیڈنگ کرتا ہے۔ نئے تحقیق سے زراعت اور پانی کے ذخائر بہتر بنائے جا سکیں۔
Leave a Reply