راولپنڈی: ہولی فیملی اسپتال میں سکیورٹی گارڈ کے مبینہ تشدد سے نوجوان جاں بحق ہوگیا۔
پولیس کے مطابق واقعے کا مقدمہ تھانہ نیو ٹاؤن میں درج کرکے ملزم کو گرفتار کرلیا گیا ہے۔
ایف آئی آر میں بتایاگیا ہےکہ نوجوان محمد وقار والدہ کو میڈیکل چیک اپ کے لیے اسپتال لایا تھا اور واپسی پر اسپتال کی پارکنگ میں تنازع پیش آیا۔
ایف آئی آر کے مطابق سکیورٹی گارڈ نے وقار کو مُکے اور لاتیں ماریں جس کے بعد وہ تشدد کے باعث دل کا دورہ پڑنے سے انتقال کرگیا۔
پولیس کا کہنا ہےکہ واقعہ دو روز قبل ہولی فیملی اسپتال کی پارکنگ میں پیش آیا۔
Leave a Reply