سندھ کے وزیر بلدیات ناصر شاہ نےکہا ہےکہ پی ٹی آئی کو کہا تھا کہ گراؤنڈ میں جائیں لیکن یہ لوگ روڈ پر ہی موجود تھے، ہم پر اگر کسی کا پریشرہوتا تو سعید غنی کیوں ویلکم کرتے، ہم خود بھی باغ جناح میں جلسے کی اجازت وفاق سے لیتے ہیں۔
جیو نیوز کے پروگرام نیا پاکستان میں بات کرتے ہوئے ناصر شاہ نےکہا کہ ہم نے مہمان کا استقبال کیا خیال بھی رکھا، صدر مملکت اگر کسی کو منع کرتے تو ہم استقبال نہ کرتے، وزیر اعلیٰ کے پی نے صدر مملکت پر تنقید کی، پی ٹی آئی کو کہا گراؤنڈ میں جائیں لیکن یہ لوگ روڈ پر ہی موجود تھے۔
ناصرشاہ کا کہنا تھا کہ وزیر اعلیٰ خیبرپختونخوا کو مکمل پروٹوکول حاصل تھا، وزیر اعلیٰ خیبرپختونخوا کو محفوظ ترین راستے سے لایا گیا، سندھ پولیس وزیر اعلیٰ کے پی کے ساتھ تھی۔
ان کا کہنا تھا کہ گزشتہ روزہونے والے واقعے پر انکوائری کرائیں گے، وزیر اعلیٰ کے پی کا شیڈول پروگرام تھا سب کے علم میں تھا، ہم پر اگر کسی کا پریشرہوتا تو سعید غنی کیوں ویلکم کرتے، ن لیگ نے ہم سے کوئی گلہ نہیں کیا، نوٹیفکیشن جاری ہونے کے بعد انھوں نے کہا روڈپر جلسہ کریں گے۔
تحریک انصاف کے رہنما اسد قیصر نےکہاکہ میثاق جمہوریت پر ہم ہر ایک سے بات کرسکتے ہیں، آئین اور قانون ہمیں اجازت دیتا ہےکہ ہم جلسے کریں، پرامن احتجاج کا حق حاصل ہے۔
Leave a Reply