پاکستان انسٹیٹیویٹ آف پیس اسٹیڈیز کی جانب سے پاکستان سکیورٹی رپورٹ 2025 جاری کر دی گئی ہے۔
رپورٹ کے مطابق پاکستان میں 2025 میں 699 حملے ہوئے اور دہشتگردی کے واقعات میں 34 فیصد اضافہ ہوا، دہشتگرد حملوں میں 1034 افراد جاں بحق ہوئے اور اموات میں 21 فیصد اضافہ ہوا۔
رپورٹ میں بتایا گیا ہے کہ 2025 میں دہشتگردی میں 1366 افراد زخمی ہوئے اور انسانی نقصان میں تشویشناک اضافہ ہوا، دہشتگردی کا سب سے زیادہ نشانہ سکیورٹی فورسز اورقانون نافذ کرنے والےادارے بنے۔
رپورٹ کے مطابق حملوں میں 437 اہلکار شہید ہوئے، شہداء میں 174 پولیس اہلکار، 122 فوجی جوان اور 107 ایف سی اہلکار شامل تھے، 2025 میں دہشتگرد حملوں میں 354 عام شہری بھی جان سے گئے۔
2025 میں سکیورٹی فورسز کی کارروائیوں اور خودکش حملوں میں 243 دہشتگرد ہلاک ہوئے، 454 دہشتگرد حملے شدت پسند گروہوں کی جانب سے کیے گئے، شدت پسندوں کے حملوں میں 2024 کے مقابلے میں نمایاں اضافہ ہوا۔
رپورٹ میں بتایا گیا ہے کہ کالعدم تحریک طالبان پاکستان اور اتحادی گروہ دہشتگردی کے بڑے ذمہ دار قرار پائے گئے ہیں، ٹی ٹی پی، حافظ گل بہادر گروپ، لشکرِ اسلام اور داعش خراسان سرگرم ہیں، ان گروہوں کے حملوں میں 679 افراد جاں بحق اور 881 زخمی ہوئے۔
Leave a Reply