نائب وزیراعظم اسحاق ڈار نے کہا ہے کہ متحدہ عرب امارات فوجی فاؤنڈیشن گروپ کے کچھ شیئر لے گا۔
اسلام آباد میں پریس کانفرنس کرتے ہوئے اسحاق ڈار کا کہنا تھاکہ یو اےای نے 3 ارب ڈالرز دیےتھے اور یواے ای کے چند ہفتے قبل ایک ارب ڈالر رول اوورکرنے تھے ہم نے یو اے ای کو انگیج کیا ہے۔
انہوں نے کہا کہ یواے ای فوجی فاؤنڈیشن گروپ کے کچھ شیئرلے گا اور ایک ارب ڈالر کی لائبلٹی ختم ہوجائے گی، شیئرز کے حوالےسے کئی میٹنگز ہوچکی ہیں۔
اسحاق ڈار کا کہنا تھاکہ امید ہے 31 مارچ تک ٹرانزیکشن پایہ تکمیل تک پہنچے گی اور ایک ارب ڈالرز تک کی لائبلٹی ختم ہوگی۔
انہوں نے بتایاکہ گزشتہ روز کی ملاقات میں جنوری کے دو ارب ڈالرز کے رول اوور پر بھی بات ہوئی، کوشش ہوگی کہ یواے ای ان 2 ارب ڈالرز سے پاکستان میں سرمایہ کاری کرے۔
Leave a Reply