پاکستان نے یمن میں امن و استحکام کی کوششوں کی حمایت کا اظہار کرتے ہوئے کہا کہ پاکستان یمن میں حالیہ پیشرفت پر گہری نظر رکھے ہوئے ہے۔
ترجمان دفتر خارجہ کے مطابق پاکستان جمہوریہ یمن میں امن اور استحکام کے قیام کیلئے سعودی عرب کی جانب سے کی جانے والی سفارتی کوششوں کی بھرپورحمایت کرتا ہے اور متحدہ عرب امارات کی کوششوں کو بھی سراہتا ہے۔
ترجمان دفتر خارجہ نے کہا کہ پاکستان نے فریقین سے جامع، مذاکراتی سیاسی حل کیلئے تعمیری انداز اور نیک نیتی کے ساتھ بات چیت پر زور دیا ہے۔
ترجمان دفتر خارجہ کے مطابق ہم یمن کی وحدت اور علاقائی سالمیت کے احترام کی ضرورت پر زور دیتے ہیں، پاکستان اس امید کا اظہار کرتا ہے کہ یمنی فریقین کسی بھی ایسے یکطرفہ اقدامات سے گریز کریں گے جو صورتحال میں مزید کشیدگی کا باعث بنیں۔
ترجمان نے مزید کہا کہ پاکستان کو امید ہے کہ جاری سفارتی کوششیں یمن میں دیرپا امن کے حصول کیلئے ٹھوس اقدامات کا باعث بنیں گی، پاکستان یمنی عوام کی تکالیف کے خاتمے کی بھی امید کرتا ہے۔
Leave a Reply