خیبرپختونخوا کے وزیراعلیٰ کے معاون خصوصی برائے اطلاعات شفیع جان نے کہا ہے کہ ہم غیرمشروط مذاکرات نہیں کریں گے۔
جیو نیوز کے پروگرام نیا پاکستان سے گفتگو کرتے ہوئے شفیع جان نے کہا ہے کہ تمام ذمہ داری محمود اچکزئی اور علامہ ناصرعباس کوسونپی گئی ہے، محمود اچکزئی جوبھی فیصلہ کریں گے تحریک انصاف اس کو تسلیم کرے گی۔
انہوں نے کہا کہ ہم غیرمشروط مذاکرات نہیں کریں گے، مذاکرات کیلئے ہماری شرائط میں نئے انتخابات کرانا شامل ہے، نئے الیکشن کمشنرکےتحت عام انتخابات کرانا، بانی پی ٹی آئی تک پارٹی رہنماؤں، خاندان کی رسائی بھی ہمارے شرائط میں شامل ہے۔
شفیع جان کا کہنا تھاکہ اگران شرائط پرعمل کیلئے حکومت تیار ہے تو ہم مذاکرات کیلئے تیار ہیں، حکومت سے بات ہوگی تو ان نکات پرہوگی۔
Leave a Reply