پاکستان کے زرمبادلہ کے ذخائر تاریخ کی بلند ترین سطح پر پہنچ گئے ہیں اور بین الاقوامی ایجنسیاں بھی پاکستانی معیشت میں بہتری کی تعریف کر رہی ہیں۔
انٹرنیشنل ریٹنگ ایجنسیوں’’گیلپ‘‘ اور’’ڈی اینڈ بی‘‘ نے پاکستانی معیشت میں بہتری کا اعتراف کیا ہے۔
بین الاقوامی ریٹنگ ایجنسیوں نے صارفین کے اعتماد میں 19 فیصد اضافے کی تصدیق کی ہے۔
رپورٹ کے مطابق مارچ 2022 کے بعدپاکستان کے زرمبادلہ کے ذخائر 21.1 بلین ڈالر پر پہنچے۔
بتایا جارہا ہے کہ یہ تبدیلی ایس آئی ایف سی کی بہترین سہولت کاری ، معاونت اور کاوشوں کا ثمر ہے، اس کے علاوہ ایس آئی ایف سی کی سہولتکاری،معاشی اصلاحات کےباعث مالی عدم تحفظ میں کمی آئی۔
معاشی اصلاحات کے باعث معیشت پر سرمایہ کاروں کا اعتماد پہلے سے زیادہ بڑھ گیا ہے۔
ماہر معیشت خاقان نجیب کے مطابق معیشت نے 28 سے 30 ماہ میں میکرواکنامک استحکام کا سفر طےکیا ہے، پاکستان نے بیرونی اکاؤنٹ میں درآمدات کو بڑھنے سے روکا ہے اورکرنٹ اکاؤنٹ میں سرپلس حاصل کیا ہے۔
ماہر معیشت اشفاق تولہ کا کہنا ہے کہ صارفین کا اعتماد حکومت اور ایس آئی ایف سی کے ٹھوس اقدامات کا نتیجہ ہے۔
Leave a Reply