بھارت کو شکست دینے کے بعد قومی انڈر 19 کرکٹ ٹیم ‘ایشیا کپ’ لے کر پاکستان پہنچ گئی۔
اسلام آباد ائیرپورٹ پر انڈر 19 کرکٹ ٹیم کے شاندار استقبال کی تیاریاں کرلی گئیں، ائیرپور ٹ کے باہر شائقین فاتح ٹیم کے منتظر ہیں، ڈھول کی تھاپ پر رقص جاری ہے۔
وزیراعظم شہباز شریف آج انڈر 19کرکٹ ٹیم کےکھلاڑیوں سے ملاقات کریں گے۔
ملاقات میں بھارتی ٹیم کو شکست دینے والے کھلاڑیوں کی بھرپور حوصلہ افزائی کی جائے گی۔
یاد رہے کہ پاکستان نے بھارت کو 191 رنز سے شکست دیکر ٹائٹل اپنے نام کرلیا، پاکستان انڈر 19 ایشیا کپ کا ٹائٹل دوسری مرتبہ جیتنے میں کامیاب ہوا ہے۔
اس سے قبل پاکستان اور بھارت 2012 کے ایونٹ میں مشترکہ طور پر فاتح رہے تھے۔
Leave a Reply