وزیراعلیٰ بلوچستان میر سرفراز بگٹی نے کہا ہے کہ بندوق کے زور پر خدانخواستہ پاکستان کو توڑنے کی کوشش تاقیامت ناکام رہے گی۔
پولیس ٹریننگ کالج کوئٹہ میں پاسنگ آؤٹ پریڈ سے خطاب میں سرفرار بگٹی نے باغی گروہوں کو مخاطب کرتے ہوئے کہا کہ ہم ایک لمحے کے لیے بھی آپ کے بندوق کے نظریے کو قبول کرنے کو تیار نہیں ہیں، بلوچستان کے بہادر سپاہی آپ کے مقابلے میں سیسہ پلائی دیوار کی طرح کھڑے رہیں گے۔
وزیراعلیٰ نے کہا کہ آپ اگر آئین پاکستان کے اندر رہتے ہوئے واپس آنا چاہتے ہیں تو ریاست کے راستے کھلے ہیں، اگر آپ ریاست کے کارآمد شہری بننے کو تیار نہیں ہیں تو ہم اس کے لیے بھی تیار ہیں۔
وزیراعلیٰ بلوچستان نے کہا کہ لیڈرز پاپولر فیصلے نہیں کرتے بلکہ وہ ہمیشہ درست فیصلے کرتے ہیں، آج پورے بلوچستان کو اے ایریاز میں تبدیل کیا جا چکا ہے، یہ صرف ایک مضبوط فیصلہ نہیں، یہ بلوچستان پولیس کے لیے اعزاز اور ذمہ داری کی بات ہے۔
اس موقع پر وزیراعلیٰ بلوچستان سرفراز بگٹی نے پولیس ٹریننگ کالج کے لیے بجلی کے اسپیشل فیڈرز، سیوریج سسٹم اور سڑکوں کی مرمت کا اعلان بھی کیا۔
Leave a Reply