کراچی: حکومت اور ٹرانسپورٹرز کے درمیان مذاکرات کامیاب ہوگئے۔
ٹرانسپورٹرز رہنما کا کہنا ہے کہ حکومت نے مختلف امور پر لچک دکھائی ہے، جیسے ہی نوٹیفکیشن آئےگاہڑتال ختم ہو جائے گی۔
پاکستان گڈز ٹرانسپورٹرز کے رہنما ملک شہزاد اعوان نے گلبائی ٹرک اڈے پر پریس کانفرنس کرتے ہوئے کہا کہ ملک بھر میں 10 روز سے ٹرانسپورٹرز احتجاج کر رہے ہیں، گڈز ٹرانسپورٹرز کی ہڑتال کی وجہ سے صنعتوں تک خام مال کی رسائی معطل ہے۔
انہوں نے کہاکہ سندھ نے تو ہمارے تمام مطالبات ماننے کی حامی بھری تھی، ہمارا جواب یہ تھا جب تک تحریری معاہدہ نہیں ہوتا تب تک احتجاج جاری رہے گا۔
دوسری جانب ٹرانسپورٹرز ذرائع کا کہنا ہے کہ ہڑتال کے خاتمے کا اعلان جلد کیا جائے گا، ہڑتال خاتمے کا اعلان معاہدے پر دستخط کے بعد ہاکس بے ٹرک اڈے پر ہوگا۔
واضح رہے کہ گڈز ٹرانسپورٹ ہڑتال کی وجہ سے صنعتوں تک خام مال کی رسائی معطل ہوگئی تھی۔
صدر آئرن مرچنٹس حماد پوناوالا نے کہا کہ گڈز ٹرانسپورٹ کی ہڑتال کی وجہ سے مال نہ ملنے سے صنعتیں بند ہونے کا خدشہ ہے، لوہے کے تاجروں اور دیگر اشیاء کے امپورٹرزکو اربوں کا نقصان ہو رہا ہے۔
Leave a Reply