جسٹس طارق جہانگیری کے خلاف ڈگری کیس قابل سماعت قرار

اسلام آباد ہائیکورٹ نے جسٹس طارق محمود جہانگیری کے خلاف ان ویلڈ ڈگری کیس قابل سماعت قرار دیدیا۔

چیف جسٹس اسلام آباد ہائیکورٹ سردار محمد سرفراز ڈوگر کی سربراہی میں ڈویژن بینچ نے ڈگری کیس میں جسٹس طارق محمود جہانگیری کو نوٹس جاری کر دیا۔

اسلام آباد ہائیکورٹ نے جسٹس طارق محمود جہانگیری سمیت تمام فریقین کو 3 دن میں جواب جمع کرانے کا حکم دیا ہے۔

یاد رہے کہ جامعہ کراچی نے 26 ستمبر کو جسٹس طارق محمود جہانگیری کی قانون کی ڈگری کو جعلی قرار دیتے ہوئے اسے منسوخ کر دیا تھا۔

جامعہ کراچی کے جاری نوٹیفکیشن میں یہ بھی کہا گیا تھا کہ طارق محمود جہانگیری کبھی بھی اسلامیہ لاء کالج کراچی کے باقاعدہ طالبعلم نہیں تھے۔

جسٹس طارق محمود جہانگیری نے جامعہ کراچی کے ڈگری منسوخی کے فیصلے کو سندھ ہائیکورٹ میں چیلنج کیا تھا۔

سندھ ہائیکورٹ نے 3 اکتوبر 2025 کو جامعہ کراچی کا جسٹس طارق محمود جہانگیری کی ڈگری کینسل کرنے کا نوٹیفکیشن معطل کر دیا تھا ۔