اسلام آ باد: پاکستان کےلیےآئی ایم ایف ایگزیکٹو بورڈاجلاس سےقبل وفاقی حکومت نےبڑا اقدام اٹھایا ہے۔
ایف بی آر نے سول سرونٹس کے اثاثہ جات رولز2023 میں ترمیم کانوٹیفکیشن جاری کردیا جس میں سول سرونٹ کی تعریف کوپبلک سرونٹ میں تبدیل کیاگیا ہے۔
پبلک سرونٹ کی تعریف میں گریڈ 17 اور اس سے اوپرکےافسران شامل ہیں، وفاقی و صوبائی حکومتوں، خودمختار اداروں اورکارپوریشنز کے افسران شامل کئے گئے ہیں۔
نیب آرڈیننس 1999 کے تحت مستثنیٰ افراد اس تعریف میں شامل نہیں ہوں گے، ترمیمی قواعد پبلک سرونٹس پر لاگو ہوں گے۔
ترمیمی مسودہ انکم ٹیکس آرڈیننس 2001 کی دفعہ237 کے تحت تیار کیا گیا ہے، اس سے قبل ایف بی آر نے متعلقہ اسٹیک ہولڈرز سے آراء اورتجاویز مانگی تھیں۔
ایف بی آر نے مسودہ گزشتہ ماہ آراء، اعتراضات اور تجاویز کے لیے جاری کیا تھا۔ پاکستان کے لیے آئی ایم ایف ایگزیکٹو کا اجلاس آئندہ ماہ 8 دسمبر کو شیڈول ہے۔ آئی ایم ایف بورڈپاکستان کے لیے ایک ارب20 کروڑ ڈالرزجاری کرنےکاجائزہ لے گا۔
Leave a Reply