کراچی میں ای چالان کے نفاذ کو 30 روز مکمل ہوگئے، ٹریفک قوانین کی خلاف ورزیوں پر اب تک 93 ہزار سے زائد چالان کیے جا چکے ہیں۔
تفصیلات کے مطابق کیمروں کی مدد سے سب سے زیادہ 57 ہزار 541 چالان سیٹ بیلٹ نہ لگانے پر کیے گئے، 22 ہزار 227 موٹر سائیکل سواروں کے ہیلمٹ نہ پہننے پر چالان کیے گئے۔
ڈمپر ٹریلر اور واٹر ٹینکر میں نصب ٹریکر کی مدد سے تیز رفتاری پر ایک ہزار 188 چالان ہوئے، تیز رفتاری پر دیگر گاڑیوں کے چالان کی تعداد 2699 ہے۔
اس کے علاوہ ٹریفک سگنل کی خلاف ورزی پر3 ہزار 102 چالان کیے گئے۔
رپورٹ میں بتایا گیا ہے کہ فینسی نمبر پلیٹ نصب ہونے پر 1278 جبکہ رنگین شیشوں کی حامل 1178گاڑیوں کے چالان کیے گئے، اسٹاپ لائن کی خلاف ورزی پر 611 ، رانگ وے گاڑی چلانے پر 426 چالان جاری کیے گئے۔
ٹریفک پولیس کے مطابق سیٹ بیلٹ نہ باندھنے پر 57 کروڑ 54 لاکھ 10 ہزار روپے جرمانہ عائد کیا گیا، ہیلمٹ نہ پہننے پر بائیک سواروں کو 11 کروڑ 11 لاکھ 35 ہزار روپے جرمانہ ہوا جبکہ رنگین شیشے والی گاڑیوں کو 2 کروڑ 94 لاکھ 50 ہزار روپے جرمانہ کیا گیا۔
Leave a Reply