اسلام آباد: سینئر وکلا اور ریٹائرڈ ججز نے چیف جسٹس پاکستان یحییٰ آفریدی کو خط لکھ کر 27 ویں آئینی ترمیم پر فل کورٹ میٹنگ بلانے کا مطالبہ کردیا۔
جیو نیوز کے مطابق وکیل فیصل صدیقی کی جانب سے لکھے گئے خط پرجسٹس(ر) مشیرعالم، جسٹس (ر) ندیم اختر، مخدوم علی خان، منیر اے ملک، عابد زبیری ، اکرم شیخ، انور منصور ، علی احمد کرد، خواجہ احمدحسین اور صلاح الدین احمدکے دستخط ہیں۔
چیف جسٹس یحییٰ آفریدی کو لکھے گئے خط میں سینئر وکلا اور ریٹائرڈ ججز نے کہا کہ سپریم کورٹ ترمیم پر اپنا اِن پُٹ دینے کا اختیار رکھتی ہے، غیر معمولی حالات میں یہ خط لکھ رہے ہیں۔
خط میں کہا گیا ہے کہ سپریم کورٹ اپنے قیام کے بعد آج سب سے بڑے خطرے سے دوچار ہے، کوئی سول یا فوجی حکومت سپریم کورٹ کو اپنا ماتحت ادارہ بنانے میں کامیاب نہیں ہوئی، ماضی میں ایسی کوئی کوشش بھی نہیں ہوئی۔
خط میں مزید کہا گیا ہے کہ اگر آپ متفق ہیں کہ یہ پہلی کوشش ہے تو رد عمل دینا سپریم کورٹ کا حق ہے، بطور سپریم کورٹ ترمیم پر رد عمل دیا جائے۔
Leave a Reply