گورنر ورجینیا ایبی گیل، نائب گورنر غزالہ ہاشمی کامیاب

فوٹو: امریکی میڈیا

امریکا میں مقامی و ریاستی انتخابات کے لیے بھی ووٹنگ کا سلسلہ جاری ہے تاہم ورجینیا اور نیو جرسی میں ڈیموکریٹس نے میدان مار لیا۔

ریاست ورجینیا میں گورنر اور لیفٹینینٹ گورنے کے لیے پولنگ کا وقت ختم ہوگیا، امریکی میڈیا کے مطابق ورجینیا میں ڈیموکریٹس نے تاریخی کامیابی حاصل کرلی۔

ایگزٹ پولز کے مطا بق ڈیموکریٹ امیدوار ‘ایبی گیل اسپین برجر’ ورجینیا کی پہلی خاتون گورنر منتخب ہوگئیں۔

ایبی گیل اسپین برجر—فوٹو: غیر ملکی میڈیا

ورجینیا میں ہی ڈیموکریٹ پارٹی کی امیدوار غزالہ ہاشمی نائب گورنر منتخب ہوگئیں، غزالہ ہاشمی پہلی بھارتی نژاد اور پہلی مسلم نائب گورنر ہیں۔

غزالہ ہاشمی پچھلے برس اس ریاست کی دوسری بار سینیٹر بنی ہیں۔ انہیں ریاست کی پہلی مسلم اورجنوب ایشیائی امریکن خاتون سینیٹر بننے کا اعزاز بھی حاصل ہے۔

غزالہ ہاشمی—فوٹو: امریکی میڈیا

نیوجرسی میں گورنر کے انتخاب میں ڈیموکریٹ امیدوار ‘میکی شیرل’ کامیاب ہوگئیں۔

میکی شیرل—فوٹو: امریکی میڈیا

نیوجرسی میں ڈیموکریٹک رہنما مائیکی شیریل کا مقابلہ ری پبلکن حریف اور ریاست کے سابق رکن اسمبلی جیک چیٹریلی سے تھا۔