اسلام آباد: وفاقی وزیر برائے توانائی اویس لغاری کا کہنا ہے کہ آئی پی پیز سے متعلق ٹاسک فورس نے نمایاں کام کیا اور اب حکومت بجلی نہیں خریدے گی۔
اسلام آباد میں پریس کانفرنس کرتے ہوئے اویس لغاری نے کہا کہ توانائی کے شعبے کو جدید خطور پر استوار کر رہے ہیں، جہاں مو۱قع ملا عوام کو ریلیف فراہم کرنے کی کوشش ہر ممکن کوشش کی۔
انہوں نے کہا کہ توانائی کے شعبے کے تکنیکی مسائل کو حل کرکے اربوں روپے کی بچت کی جب کہ گزشتہ 18ماہ میں بجلی کی قیمت میں ساڑھے10فیصد تک کمی کی ہے۔
وزیر توانائی کا کہنا تھا کہ آئی پی پیز سے متعلق ٹاسک فورس نے نمایاں کام کیا اور اب حکومت بجلی نہیں خریدے گی، اس کے علاوہ گردشی قرضے کے خاتمے سے متعلق مؤثر پلان بنایا ہے، گردشی قرض میں کمی کے لیے 1200ارب روپے کا قرض معاہدہ کیا ہے، ایک سال میں گردشی قرضے میں 700 ارب روپے کی کمی لائی گئی ہے۔
اویس لغاری نے مزید کہا کہ آٹومیٹنگ میٹرنگ میں صارفین کو پری پیڈ کی سہولت بھی میسر ہوگی۔
Leave a Reply