چین کے شہر تیانجن میں شنگھائی تعاون تنظیم کا سربراہی اجلاس جاری ہے، 2 روزہ اجلاس میں 20 ممالک کے سربراہان شریک ہیں۔
چینی صدر شی جن پنگ نے اجلاس میں روس کے صدر پوتن، ترک صدر رجب طیب ایردوان، وزیراعظم شہباز شریف، بھارتی وزیر اعظم نریندر مودی اور تنظیم میں شامل دیگر رہنماؤں کو خوش آمدید کہا اور ایس سی او فیملی فوٹو بھی بنوایا۔
اس موقع پر چینی صدر شی جن پنگ کا کہنا تھا کہ اجلاس کا اہم مشن تمام فریقین کے درمیان اتفاق رائےقائم کرنا، تعاون کی رفتار کو فروغ دینا اور ترقی کی راہ کے لیے ایک نقشہ تیار کرنا ہے۔
چینی صدر نے مہمانوں کو عشائیہ دیا جس کے بعد مہمانوں کے لیے ثقافتی پروگرام پیش کیا گیا۔
ایس سی او اجلاس کے دوسرے روز سربراہان مملکت خطاب کریں گے، اجلاس میں وزیراعظم شہباز شریف پاکستان کا نقطۂ نظر پیش کریں گے،عالمی مسائل اجاگر کریں گے اور خطے میں تعاون اور استحکام کو فروغ دینے کے لیے ایس سی او کے کردار کو مضبوط بنانے سے متعلق تجاویز پیش کریں گے۔
اجلاس کے افتتاحی سیشن کے موقع پر وزیرا عظم شہباز شریف نے روسی صدر ولادی میر پیوٹن سے مصافحہ کیا اور مختصر گفتگو کی۔
Leave a Reply