یوکرین جنگ کے خاتمے کیلئے اجتماعی معاہدہ جلد ہو جائے گا: امریکی صدر ٹرمپ

[ad_1]

واشنگٹن: امریکی صدر ڈونلڈ ٹرمپ کا کہنا ہے کہ میرا خیال ہے روسی صدربھی جنگ کا خاتمہ چاہتےہیں، مجھے توقع ہے کہ جلد یوکرین جنگ کے خاتمے کے لیے اجتماعی معاہدہ ہو جائے گا۔

وائٹ ہاؤس میں امریکی صدر ڈونلڈ ٹرمپ کی یوکرینی صدر زیلنسکی سے ملاقات ہوئی۔یوکرینی صدر زیلنسکی صدر ٹرمپ سے ملاقات کے لیے وائٹ ہاؤس پہنچے تو ٹرمپ نے ان کا استقبال کیا۔

اس ملاقات میں فرانسیسی صدر میکرون، یورپی یونین اور نیٹو کے حکام نے بھی شرکت کی۔

ملاقات کے دوران امریکی صدر ٹرمپ نے کہا کہ میرا خیال ہے روسی صدربھی جنگ کا خاتمہ چاہتےہیں، ہم چاہتے ہیں جنگ سب کےلیے بہتر انداز میں ختم ہو۔

یوکرینی صدر زیلنسکی نے کہا کہ جنگ کے خاتمے کے لیے صدر ٹرمپ کے سفارتی راستے کی حمایت کرتے ہیں، ہمیں جنگ کے خاتمے کی حمایت کرنی چاہیے۔

ملاقات کے دوران صدر ٹرمپ نے کہا کہ روس اوریوکرین کے صدور جنگ کا خاتمہ چاہتےہیں۔ ٹرمپ کا کہنا تھا کہ نہیں چاہتا کہ معاملہ سال دوسال کے لیےحل ہو اورپھرلڑائی شروع ہوجائے، یوکرین میں جنگ روکنے کا اچھا موقع ہے، یوکرین کےلوگوں کی خوشحالی چاہتےہیں۔

صدر ٹرمپ نے کہا کہ معاملات ٹھیک رہے تویوکرین اور روسی صدور کے ساتھ سہ فریقی میٹنگ کریں گے، ہم روس اوریوکرین کے درمیان دیرپا امن قائم کریں گے۔

روس یوکرین کے درمیان جنگ ختم ہوگی، کب ہوگی یہ نہیں بتاسکتا: ٹرمپ

انہوں نے مزید کہا کہ روس یوکرین کے درمیان جنگ ختم ہوگی، کب ہوگی یہ نہیں بتاسکتا، چاہتا ہوں دنیا میں امن ہو، سب تجارت کریں، یوکرین میں جنگ روکنے کا اچھا موقع ہے۔

ملاقات میں صدر زیلنسکی کا کہنا تھا کہ ہم کیسےمحفوظ رہ سکتے ہیں، ہمیں اپنی سکیورٹی کی ضمانت چاہیے۔

صدر ٹرمپ نے کہا کہ امن قائم کرنے اور برقرار رکھنے کے لیے روس، یوکرین اور باقی سب کے ساتھ مل کر کام کریں گے، یوکرین اور یورپی رہنماؤں سے ملاقات میں سکیورٹی ضمانتوں پر بات کروں گا۔

ٹرمپ اور زیلنسکی کی ملاقات کے بعد میڈیا سے گفتگو

امریکی صدر ٹرمپ نے ملاقات کے بعد میڈیا سے بات چیت کرتے ہوئے کہا کہ انہیں توقع ہے کہ جلد یوکرین جنگ کے خاتمے کے لیے اجتماعی معاہدہ ہو جائے گا۔ اب جلد امریکا، روس اور یوکرین کی سہ فریقی ملاقات ہو گی۔

روس یوکرین جنگ روکنا آسان سمجھتا تھا مگر یہ سب سے مشکل نکلی: ٹرمپ

ٹرمپ نے کہا کہ آج یوکرینی صدر سے ملاقات کے بعد اب روسی صدر پیوٹن سے ملاقات طے کی جائے گی۔ ہم نے روسی مؤقف کا بھی جائزہ لیا ہے۔ ہم نے 6،7 جنگیں روکی ہیں۔ روس یوکرین جنگ روکنا آسان سمجھتا تھا مگر یہ سب سے مشکل نکلی۔

امریکی صدر سے ملاقات کے بعد یوکرین کے صدر زیلنسکی نے بھی کہا کہ انہوں نے یوکرین کی سلامتی کے لیے ضمانتوں پر بات کی ہے۔ ٹرمپ سے تعمیری بات چیت ہوئی۔ یہ بہترین بات چیت تھی۔ اس سے بہترین بات چیت شاید مستقبل میں ہو۔

انہوں نے کہا کہ ہم سب جنگ بند کرنا چاہتے ہیں۔ اچھی بات یہ ہے کہ امریکا ہمیں سکیورٹی ضمانتیں دینے کے لیے تیار ہے۔

[ad_2]

Source link