آپریشن ‘بنیان مرصوص’ کے دوران غیر معمولی جرات اور عظیم قربانی پر آرمی، نیوی اور ائیر فورس کے افسران و جوانوں کو عسکری اعزازات سے نوازا گیا۔
صدر مملکت آصف زرداری نے پاک فوج کے 488 افسران اور جوانوں کو اعزازات عطا کیے۔
پاک فوج کے شعبہ تعلقات عامہ (آئی ایس پی آر) کے مطابق 8 جوانوں کو ستارہ جرات، 5 کو تمغہ جرات اور 24 کو ستارہ بسالت سے نوازا گیا۔
ستارہ جرات پانے والوں ونگ کمانڈر بلال رضا، ونگ کمانڈر حماد ابن مسعود ، اسکواڈرن لیڈر ایم یوسف خان، اسکواڈرن لیڈر محمد اسامہ اشفاق شامل ہیں۔
اسکواڈرن لیڈر محمد حسن انیس، اسکواڈرن لیڈر طلال حسن، اسکواڈرن لیڈر فدا محمد بھی ستارہ جرات پانے والوں میں شامل ہیں۔
آئی ایس پی آر کے مطابق 45 جوانوں کو تمغہ بسالت اور 146کو امتیازی اسناد سے نوازا گیا جبکہ 259 کو چیف آف آرمی اسٹاف تعریفی کارڈز اور ایک جوان کو تمغہ امتیاز ملٹری دیاگیا۔
پاک فوج کے شعبہ تعلقات عامہ نے بتایا کہ لانس حوالدار عامر شیراز شہید، نائیک عبد الرحمان شہیدکو تمغہ جرات سے نوازا گیا، لانس نائیک اکرم اللہ شہید، سپاہی عدیل اکبر اور کیپٹن علی حسن کو بھی تمغہ جرات سے نوازا گیا۔
Leave a Reply