شراب واسلحہ برآمدگی کیس میں علی امین گنڈا پورکے وارنٹ گرفتاری جاری

[ad_1]

فوٹو: فائل

ڈسٹرکٹ اینڈ سیشن کورٹ اسلام آباد نے شراب واسلحہ برآمدگی کیس میں وزیر اعلیٰ خیبرپختونخوا علی امین گنڈا پور کے وارنٹ گرفتاری جاری کر دیے۔

عدالت نے علی امین گنڈا پور کو گرفتار کرکے پیش کرنےکا حکم جاری کیا ہے۔ عدالت نے علی امین گنڈا پور کی حاضری سے استثنیٰ کی درخواست مسترد کردی۔

عدالت نے علی امین گنڈاپور کو 342 کا بیان ریکارڈ کروانےکا آخری موقع بھی دیا ہے۔ عدالت کا کہنا ہےکہ علی امین گنڈاپور کی عدم حاضری پر 342 کے بیان کا حق بھی ختم کیا جاسکتا ہے، اگر علی امین گنڈاپور نے بیان ریکارڈ نہ کرایا تو عدالت فیصلہ بھی سناسکتی ہے۔

عدالت نے حکم جاری کیا ہےکہ 21 جولائی سے پہلے علی امین گنڈاپور کو گرفتار کرکے عدالت میں پیش کیا جائے۔

عدالتی حکم میں کہا گیا ہےکہ علی امین گنڈاپور کی گرفتاری میں ناکامی نہیں ہونی چاہیے، 8 سال سےکیس زیرالتوا ہے، مئی2024 سے پراسیکیوشن گواہوں کے بیانات ریکارڈ کراچکی، علی امین گنڈا پور جان بوجھ کر 342 کا بیان ریکارڈ نہیں کرا رہے، پشاورہائی کورٹ کا فیصلہ اس عدالت کو علی امین کے وارنٹ گرفتاری جاری کرنے سے نہیں روکتا۔

عدالت نے کیس کی سماعت 21 جولائی تک ملتوی کر دی۔

[ad_2]

Source link