’کون بنے گا کروڑ پتی‘ کے نئے سیزن میں امیتابھ کا فی قسط حیران کن معاوضہ سامنے آگیا

[ad_1]

بالی وڈ شہنشاہ امیتابھ بچن گزشتہ 25 برسوں سے بھارت کے عالمی شہرت یافتہ گیم شو ’کون بنے گا کروڑ پتی‘ کی میزبانی کررہے ہیں۔

حال ہی میں سونی انٹرٹینٹمنٹ کی جانب سے ’کون بنے گا کروڑ پتی‘ کے سیزن 17 کا اعلان کیا گیا ہے جس میں روایتی طور پر گیم شو کی میزبانی ایک بار پھر امیتابھ بچن کو سونپی گئی ہے۔

بھارتی میڈیا کے مطابق گیم شو ‘ کون بنے گا کروڑ پتی ‘ کا نیاسیزن اگلے ماہ 11 اگست سے نشر کیا جائے گا۔

بھارتی میڈیا پر جہاں ان دنوں ’ کون بنے گا کروڑ پتی ‘کے نئے سیزن کے چرچے ہیں وہیں امیتابھ بچن کا معاوضہ بھی خبروں کی زینت بنا ہوا ہے۔

بھارتی میڈیا رپورٹس میں دعویٰ کیا جارہا ہے کہ امیتابھ بچن کو سیزن 17 کے فی ایپی سوڈ کیلئے بھی 5 کروڑ بھارتی روپے معاوضہ دیا جائے گا۔

امیتابھ بچن نے ’ کون بنے گا کروڑ پتی‘ کے سیزن 16 کیلئے بھی ایک قسط کا معاوضہ 5 کروڑ روپے وصول کیا تھا۔

اگر اب کی بار بھی خبریں درست ہیں تو امیتابھ بچن کیلئے گیم شو کے نئے سیزن کے معاوضے میں کسی قسم کی کوئی تبدیلی نہیں کی جائے گی۔

’کون بنے گا کروڑ پتی ‘ کے دیگر سیزن میں امیتابھ بچن کا معاوضہ

گیم شو میں امیتابھ بچن کی میزبانی کا سفر

سنہ 2000 میں جب بالی وڈ بگ بی امیتابھ بچن کا کیرئیر اتارچڑھاؤ کا شکار تھا تو اسی دوران انہوں نے ’ کون بنے گا کروڑ پتی ‘کے افتتاحی سیزن کی میزبانی کیلئے حامی بھرلی تھی۔

اس شو کے پہلے سیزن کی شاندار کامیابی نے نہ صرف امیتابھ کی شہرت کو چار چاند لگائے بلکہ ان کا رکا ہوا فلمی کیرئیر بھی بحال کردیا، اسی سال امیتابھ کو آدتیہ چوپڑا کی بلاک بسٹر رومانٹک مووی ’ محبتیں ‘میں دیکھا گیا۔

’کون بنے گا کروڑ پتی ‘ کے دوسرے سیزن میں بھی امیتابھ اسی شان سے واپس تو آئے لیکن صحت کے مسائل کے سبب انہیں میزبانی کے فرائض سے دستبردار ہونا پڑا جس کے بعد اداکار شاہ رخ خان نے سیزن 3 تک میزبانی کی ذمہ داری سنبھالی لیکن عوام کے بھرپور مطالبے پر امیتابھ کو سیزن 4 میں میزبانی دی گئی تب سے اب تک وہ ہی مقبول کوئز شو کے ہر سیزن کی میزبانی کررہے ہیں۔

[ad_2]

Source link