قطر کے دارالحکومت دوحا میں پاکستانی آموں کی نمائش جاری ہے اور اب تک تقریباً 600 من آم فروخت کیے جاچکے ہیں۔
دوحا میں 10 جولائی سے شروع ہونے والی نمائش 19 جولائی تک جاری رہے گی۔ نمائش میں پاکستان سے تازہ لائے گئے آموں کی کئی اقسام پیش کی گئی ہیں، ساتھ ہی آم کے جوس، اچار، مٹھائیاں اور دیگر اشیا بھی نمائش میں پیش کی گئی ہیں۔
نمائش میں اب تک 48 سفیر شریک ہوچکے ہیں جبکہ 59 ہزار افراد اب تک نمائش کا دورہ کرچکے ہیں، تقریباً 70 تاجر اس نمائش میں حصہ لے رہے ہیں اور اب تک تقریبا 600 من آم فروخت کیے جاچکے ہیں۔
یہ تقریب نہ صرف ثقافتی تبادلے کو فروغ دیتی ہے بلکہ پاکستان اور قطر کے درمیان تجارتی تعلقات کو بھی مضبوط کرتی ہے۔
Leave a Reply